Белавія і Нацыянальны аэрапорт Мінск ўвайшлі ў топ самых пунктуальных авіякампаній і аэрапортаў свету

Даследчая кампанія OAG з Вялікабрытаніі вызначыла самыя пунктуальныя авіякампаніі і аэрапорты свету за перыяд з кастрычніка 2016 па сакавік 2017 года.

ААТ «Авіякампанія «Белавія» і РУП «Нацыянальны аэрапорт «Мінск» апынуліся ў рэйтынгу на 8 месцы з 4 і 5 зоркамі адпаведна. Паводле дадзеных даследавання «Белавія» выканала ў тэрмін 88,8% рэйсаў, а Нацыянальны аэрапорт «Мінск» - 90,6%.

«Галоўныя прынцыпы развіцця авіякампаніі «Белавія»- бяспека і пунктуальнасць выканання рэйсаў. Мы стараемся, каб пасажыр, выбраўшы авіякампанію «Белавія», ведаў, што нашы спецыялісты зробяць усё, каб з пункта А ў пункт Б ён быў дастаўлены своечасова і ўсе запланаваныя пасажырам справы былі выкананы», - падзяліўся генеральны дырэктар ААТ «Авіякампанія «Белавія» Анатоль Гусараў.

Авіякампаніі і аэрапорты, пунктуальнасць якіх знаходзіцца ў дыяпазоне 90-100%, атрымліваюць у рэйтынгу 5 зорак, 87,5-89,9% - 4 зоркі, 83-87,4% - 3 зоркі, 80-82,9% - 2 зоркі і 75-79,9% - 1 зорку. Не ўказаныя ў рэйтынгу авіякампаніі маюць пунктуальнасць ніжэй за 75%. Рэйтынг публікуецца двойчы ў год - у красавіку і кастрычніку.

Па выніках даследавання толькі тры авіяперавозчыка ў свеце атрымалі 5 зорак у рэйтынгу OAG. Сярод аэрапортаў вышэйшы вынік у пяць зорак атрымалі 11 аэрапортаў: Бавэ (Францыя) - 95,94% авіярэйсаў у ім прыбывалі і адпраўляліся без затрымак, Такусіма (Японія) - 91,64%, Кочын (Індыя) - 91,46%, Ньюкасл (Вялікабрытанія) - 91,42%, Дортмунд (Германія) - 90,92%, Бірмінгем (Вялікабрытанія) - 90,75%, Хіло (Гаваі) - 90,64%, Мінск (Беларусь) - 90,62%, Кардиф (Вялікабрытанія) - 90,4%, Сидоарджо (Інданезія) - 90,37% і Аракажу (Бразілія) - 90,01%.

Каб трапіць у рэйтынг OAG, які складаўся 2 разы на год (красавік і кастрычнік), авіякампанія павінна выканаць ад 600 пералётаў у месяц. Выкананнем палёту ў тэрмін лічыцца вылет або прылёт з не больш чым 15-хвілінным спазненнем.

OAG - аналітычнае бюро, якое спецыялізуецца на ацэнцы дакладнасці ў сферы падарожжаў. Бюро мае найбуйнейшую ў свеце базу дадзеных у авіягаліне, якая змяшчае дадзеныя аб рэйсах больш чым 900 авіякампаній і больш за 4000 аэрапортаў свету.

У пачатку года авіякампанія «Белавія» атрымала другое месца ў часопісе «Forbes» у рэйтынгу замежных перавозчыкаў Расіі, саступіўшы першынство толькі «Emirates». Таксама авіякампанія штомесяц адзначаецца міжнароднымі аэрапортамі як адна з самых пунктуальных авіякампаній.