Авіяпарк Белавія папоўняць чатыры новых Boeing 737 max 8

     17 ліпеня 2018 года ААТ «Авіякампанія «Белавія» і Air Lease Corporation (ALC), амерыканская лізінгавая кампанія, аб'явілі на Фарнборо, адным з найбуйнейшых у свеце авіясалонаў, аб замове чатырох сучасных авіялайнераў Boeing 737 MAX на ўмовах лізінгу.
     Пастаўка новых самалётаў з завода-вытворцы ў Сіэтле ў Мінск запланавана на 2019-2020 гады. Першы авіялайнер у рамках гэтага пагаднення чакаецца ў Мінску ў маі наступнага года. Гэта будзе ўжо другая непасрэдная пастаўка абсалютна новых авіялайнераў з канвеераў карпарацыі Boeing. Так, у 2016 годзе авіякампанія набыла ва ўласнасць 3 Boeing Next Generation 737-800.
     «ALC рада аб'явіць аб пагадненні з Белавія на міжнародным авіясалоне ў Фарнборо сёння», - сказаў Стывен Ф. Удвар-Хазі, выканаўчы старшыня Air Lease Corporation. «Перадавыя тэхналогіі на самалёце MAX 8 забяспечаць новы ўзровень эфектыўнасці і камфорту для кліентаў «Белавія», і мы з нецярпеннем чакаем працягу нашых паспяховых адносін з авіякампаніяй, паколькі яна аптымізуе свой флот і пашырае сваю сетку».
     Паветраныя суды чацвёртага пакалення Boeing 737 MAX дазволяць авіякампаніі «Белавія» вывесці з эксплуатацыі Boeing 737 Сlassic, што істотна амаладзіць авіяпарк. Асноўным адрозненнем новай распрацоўкі Boeing стала выкарыстанне больш моцных рухавікоў CFM International LEAP-1B, якія забяспечаць павышэнне паліўнай эфектыўнасці на 10-12%.
     «Авіякампанія «Белавія» планамерна працягвае рэалізоўваць стратэгію абнаўлення авіяпарка, дзякуючы ўзаемадзеянню з такімі надзейнымі партнёрами, як ALC. Набыццё чатырох самалётаў навейшага пакалення ў лізінг будзе спрыяць далейшаму развіццю авіякампаніі і, адпаведна, павышэнню якасці абслугоўвання пасажыраў», – адзначыў Анатоль Гусараў, генеральны дырэктар ААТ «Авіякампанія «Белавія». «Мы спадзяемся, што пастаўка Boeing 737 MAX дазволіць нашым пасажырам пачаць падарожжа толькі з пазітыўных уражанняў і зробіць палёты максімальна камфортнымі», – працягнуў Анатоль Гусараў.

     «Інвестыцыі ў новыя самалёты Boeing 737 MAX 8 пацвярджаюць далейшыя планы «Белавія» па руху наперад і падтрыманні сучаснага і універсальнага флоту, каб заставацца канкурэнтаздольнай на рынку», дадаў Алекс Хацібі, выканаўчы віцэ-прэзідэнт ALC.
     Набыццё дадзеных авіялайнераў таксама будзе спрыяць значнаму павелічэнню пасажырапатоку і развіццю маршрутнай сеткі «Белавія».