Павышэнне класа абслугоўвання на борце (Upgrade)
Узлятаем на новы ўзровень: павышайце клас абслугоўвання з эканома да бізнэсу і атрымлівайце асалоду ад камфортнага палёту!
Паслуга «Upgrade» мае на ўвазе прадастаўленне месца ў салоне бізнес-класа пасажыру з аформленым авіябілетам эканамічнага класа за дадатковую плату і пры наяўнасці свабодных месцаў у салоне бізнес-класа.
ПАСЛУГА НЕГАРАНТАВАНАЯ! На этапе рэгістрацыі ў аэрапорце пасажыру з аформленай паслугай выдаецца пасадачны талон на месца ў эканамічным класе абслугоўвання. Пры наяўнасці вольных месцаў у салоне бізнэс-класа пасадачны талон будзе заменены на новы каля выхаду на пасадку. У выпадку немагчымасці прадаставіць паслугу грашовыя сродкі будуць звернуты ў поўным аб'ёме*.
Падчас палёту вы атрымаеце ўсе перавагі абслугоўвання бізнес-класа:
- Прасторныя і камфартабельныя крэслы;
- Харчаванне і напоі ў адпаведнасці з рацыёнам бізнес-класа;
- Прыярытэтны выхад з самалёта.
Нормы правозу багажу і ручной паклажы не змяняюцца і адпавядаюць першапачаткова набытаму авіябілету.
Бізнес-зала, Fast Track і іншыя паслугі, даступныя ў аэрапорце для пасажыраў з набытымі білетамі ў тарыфным брэндзе «Бізнес», не прадастаўляюцца.
Балы па праграме «Белавія Лідар» налічваюцца ў адпаведнасці з першапачаткова набытым авіябілетам.
Аформіць Паслугу можна на сайце авіякампаніі, а таксама ў офісах продажаў авіякампаніі і ў агентаў, але не раней, чым за 72 гадзіны да вылету рэйса.
Павышэнне класа абслугоўвання даступна для рэйсаў авіякампаніі з Мінска ў Астану, Баку, Дубай, Ерэван, Калінінград, Маскву, Нячанг, Пхукет, Санью, Стамбул, Утапаа, Хамбантоту і назад.
Пры трансфернай перавозцы паслуга набываецца асобна на кожны рэйс (пры наяўнасці такой магчымасці).
Колькасць, даступных да афармлення на адным рэйсе паслуг, можа быць абмежавана. На паветраных судах Boeing 737-300 і Boeing 737-800 паслуга не прадастаўляецца. Кошт паслугі вызначаецца ў залежнасці ад попыту і даступных месцаў у салоне бiзнес-класа.
Пры набыцці паслуг «Папярэдні выбар месца ў салоне» і «Павышэнне класа абслугоўвання на борце», і прадастаўленні пасажыру паслугі «Павышэнне класа абслугоўвання на борце», папярэдне выбранае і аплачанае месца будзе анулявана, аплата пры гэтым не вяртаецца. У выпадку, калі паслуга «Павышэнне класа абслугоўвання на борце» не можа быць аказана, пасажыру будзе прадастаўлена прызначанае яму месца ў рамках паслугі «Папярэдні выбар месца ў салоне».
Паслуга недаступна для пасажыраў настуных катэгорый:
- Несуправаджаныя дзеці;
- Пасажыры з немаўлятамі да 2-ух гадоў;
- Пасажыры, якія перавозяць жывёл у салоне;
- Пасажыры, якія перавозяць багаж з размяшчэннем на асобным крэсле;
- Дэпартуемыя пасажыры;
- Пасажыры з абмежаванай мабільнасцю (у выпадку, калі будзе немагчымым камфортнае размяшчэнне ў салоне бізнес-класа, а таксама ў выпадку наяўнасці якіх-небудзь асаблівасцяў у размяшчэнні).
Кошт паслугі вяртаецца пасажыру ў поўным аб'ёме ў наступных выпадках:
- Добраахвотная адмова пасажыра ад паслугі да часу сканчэння рэгістрацыі;
- Добраахвотная адмова пасажыра ад перавозкі;
- Вымушаная адмова пасажыра ад перавозкі ў выпадках, прадугледжаных Авіяцыйнымі правіламі паветраных перавозак пасажыраў, багажу, грузаў;
- Неяўка (спазненне) пасажыра на рэйс;
- Скасаванне авіякампаніяй у аднабаковым парадку дагавора паветранай перавозкі пасажыра;
- Непрадастаўленне паслугі па віне авіякампаніі або пры адсутнасці магчымасці яе прадастаўлення.
*Вяртанне кошту нявыкарыстанай паслугі ажыццяўляецца па месцы набыцця паслугі ў валюце і форме аплаты, указаных у квітанцыі EMD. Для вяртання грашовых сродкаў за паслугу, аформленую на сайце авіякампаніі, звярніцеся да support@belavia.by.
Заява на ануляванне паслугі «Павышэнне класа абслугоўвання на борце» і вяртанне грашовых сродкаў знаходзіцца тут.
