Незарэгістраваны багаж (ручная паклажа)
Ручная паклажа, якая перавозіцца пасажырам у пасажырскім салоне самалёта, не ўваходзіць у норму бясплатнай перавозкі зарэгістраванага багажу.
Наступныя рэчы рэкамендуецца перавозіць у якасці ручной паклажы ў салоне самалёта:
- грошы, ювелірныя вырабы, каштоўныя металы;
- каштоўныя паперы і іншыя каштоўнасці;
- дзелавыя і асабістыя дакументы (пашпарты, пасведчанні і г. д.);
- медыцынскія даведкі і медыкаменты ў абмежаваных колькасцях;
- відэакамеры, партатыўныя персанальныя камп'ютары, мабільныя тэлефоны, фотаапараты;
- ключы і іншыя каштоўныя прадметы.
Для праверкі адпаведнасці габарытаў, рэчаў, якія перавозяцца пасажырамі, дазволеным нормам перавозкі ручной паклажы ў аэрапортах маюцца спецыяльныя рамкі-абмежавальнікі.
Нормы правозу ручной паклажы на аднаго пасажыра складаюць:
| Катэгорыя | Колькасць месцаў | Максімальна дапушчальныя габарыты 1 месца (у спакаваным выглядзе) | Максімальна дапушчальная вага 1 месца (у спакаваным выглядзе) |
|---|---|---|---|
| Пасажыры «бізнэс» класа | 2 | Не мусіць перавышаць памер 55х40х25 см | 10 кг |
| Пасажыры «эканамічнага» класа | 1 | Не мусіць перавышаць памер 55х40х25 см | 10 кг |
Дадаткова да ўстаноўленай нормы кожнаму пасажыру дазваляецца таксама бясплатна перавезці адну з наступных рэчаў, якая неабходна яму падчас палёту, калі яна знаходзіцца пры ім і не ўкладзена ў багаж:
- 1 жаночая сумачка або 1 партфель ці 1 заплечнік ці 1 чахол (сумка) з ноўтбукам, або з фотаапаратам, або з відэакамерай ці іншым электроннай прыладай (вага кожнага з названых вышэй прадметаў не павінен перавышаць 5 кг, габарыты не павінны перавышаць 40х30х10 см);
- 1 папка для папераў;
- 1 верхняе адзенне;
- 1 парасон альбо кій (пляжны парасон прымаецца да перавозкі толькі ў якасці зарэгістраванага багажу без спагнання дадатковай аплаты);
- 1 букет кветак;
- друкаваныя выданні для чытання падчас палёту.
Калі Вы ўсё яшчэ не перакананыя, ці пасуюць для перавозкі канкрэтныя прадметы і рэчывы, – азнаёмцеся, калі ласка, са спісам IATA ці спецыяльным раздзелам.
Спіс забароненых прадметаў і рэчываў для перавозкі ў пасажырскім салоне паветранага судна ў якасці ручной паклажы глядзіце па спасылцы.
