Гісторыя кампаніі

Днем нараджэння авіякампаніі "Белавія" афіцыяльна лічыцца 5 сакавіка 1996 года, але так як створана яна была на базе Беларускага аб’яднання грамадзянскай авіяцыі, то гісторыя пачынаецца з 1993 года. Пры гэтым беларуская грамадзянская авіяцыя бярэ свой пачатак з 7 лістапада 1933 года, калі адбылося ўрачыстае адкрыцце Мінскага аэравакзала, дзе вясной 1934 года прызямліліся тры першыя самалеты По-2, якія належалі Смаленскаму авіяпадраздзяленню спецпрымянення Маскоўскага ўпраўлення грамадзянскім павераным флотам. Менавіта гэты момант стаў вырашальным у станаўленні і развіцці грамадзянскай авіяцыі Рэспублікі Беларусь.

У 1936 годзе быў адкрыты першы паштова-пасажырскі рэйс паміж Мінскам і Масквою, а ў 1940 годзе іх налічвалася ўжо восемь.

З 1961 года па 1983 адбываецца актыўнае папаўненне паветранага флоту Беларускага ўпраўлення грамадзянскай авіяцыі. За гэтыя годы быў набыты турбавінтавы самалет Ан-10, атрымаў беларускую прапіску рэактыўны пасажырскі самалет Ту-124, пачалася эксплуатацыя самалета Ту-134А. У жніўні 1983 года ва ўласнасць Мінскай авіяцыйнай тэхнічнай базы перайшоў першы самалёт Ту-154.

Пасля распаду СССР і набыцця незалежнасці Рэспублікай Беларусь у 1991 годзе было створана Беларускае аб’яднанне грамадзянскай авіяцыі "Белавія", якое атрымала ў спадчыну парк паветраных суднаў, што належалі Беларускаму ўпраўленню. У структуру аб’яднання ўваходзілі ўсе прадпрыемствы грамадзянскай авіяцыі Рэспублікі Беларусь.

5 сакавіка 1996 года была праведзена рэарганізацыя Беларускага аб’яднання грамадзянскай авіяцыі, у выніку якой была створана Нацыянальная авіякампанія "Белавія".

У гэты перыяд (1995-1997 гг.) былі адкрыты рэйсы ў Ларнаку, Лондан, Пекін, Рым і Стамбул.

12 жніўня 1997 года "Белавія" ўвайшла ў дзеючыя члены Міжнароднай асацыяцыі паветранага транспарту (ІАТА).

Адбываецца пашырэнне геаграфіі палетаў і ў 1998 годзе. У гэты час адкрываецца новы маршрут Мінск-2 – Прага – Мінск-2. У гэтым жа годзе адбываецца аб’яднанне дзвюх авіякампаній "Белавія" і "Мінскавія", у выніку чаго на баланс авіякампаніі паступілі самалёты Ан-24, Ан-26 і Як-40.

У 2000 годзе аб’ядналіся авіякампаніі "Белавія" і "Магілеўавія".

18 мая 2001 года адкрыты рэгулярныя рэйсы паміж Мінскам і Парыжам.

На наступны год (2002) было падпісана першае пагадненне "код-шэрынг" з Аўстрыйскімі авіялініямі, з якого пачалося актыўнае супрацоўніцтва з замежнымі партнерамі.

Поспехамі быў адзначаны і 2003 год. У гэты перыяд "Белавія" пачынае выконваць рэгулярныя рэйсы ў Калінінград, у кастрычніку гэтага ж года ў Нацыянальны аэрапорт "Мінск" прыбыў першы самалет замежнай вытворчасці "Боінг 737-500", які быў узяты авіякампаніяй ў аператыўны лізінг. А падпісанае камерцыйнага пагаднення паміж "Белавія" і "Air Baltic" аб прадастаўленні блокаў месцаў на рэйсах Мінск-Рыга-Мінск дазволіла зрабіць першыя крокі ў сумеснай рабоце дзвюх авіякампаній.

Аб прафесійным прызнанні авіякампаніі сведчыць той факт, што ў лютым 2004 года "Белавія" стала ўладальнікам Бронзавага медаля Нацыянальнага конкурсу БРЭНД ГОДА 2003 у намінацыі "Брэнд Профі". Увод у эксплуатацыю другога Боінга-737/500 і падпісанне паміж "Белавія" і "Аэрафлотам" код-шэрынгавага пагаднення на выкананне рэйсаў Мінск-Масква-Мінск таксама сталі значнымі падзеямі ў 2004 годзе.

Вынікам узаемадзеяння "Белавія" і "ЧСА-Чэшскіх авіяліній" у мае 2005 года стала адкрыцце лініі Мінск-Прага-Мінск у адпаведнасці з падпісаным пагадненнем "код-шэрынг".

Шчодрым на падзеі быў і 2007 год: у лютым адбылася пастаўка першага рэгіянальнага самалета CRJ-100 LR, пачалі выконвацца рэгулярные палеты па маршруце Мінск-Баку з удзелам азербайджанскай авіякампаніі "Азал". З мэтаю ўмацавання пазіцый на рынку і ўдасканалення інфармацыйнай структуры "Белавія" ў сакавіку наладжвае кантакты з SABRE Airline Solution і ўкараняе сістэму, якая дазваляе выкарыстоўваць тэхналогію электронага білета пры рабоце з турагентствамі і партнерамі па інтэрлайн-пагадненням, а таксама пачынае ўкараняць праграму заахвочвання пасажыраў, якія часта лятаюць. Продаж электронных білетаў (e-ticket) "Белавія" ў сістэме "Амадэус" праз агентаў па продажу авіяперавозак (BSP) Аўстрыі, Італіі, Польшчы, Швецыі, Германіі, Украіны, Кіпра і Чэхіі становіцца магчымым ужо ў ліпені 2007 года. У гэтым жа годзе для пасажыраў стала магчымым здяйсняць пералет па новым рэгулярным рэйсе Мінск-Санкт-Пецярбург.

З 11 лютага 2008 года ў пасажыраў, якія вылятаюць рэйсамі з Масквы, з’яўляецца магчымасць пакупкі электронага авіябілета. Электроны білет выявіў перавагі перед папяровым білетам, асабліва на такім маршруце як Масква–Мінск, дзе большасць пасажыраў - гэта дзелавыя людзі, якія шануюць свой час. З укараненнем тэхналогіі электронага авіябілета знікла неабходнасць ехаць у касу за білетам ці загадзя прыязжаць у аэрапорт, каб аформіць яго да вылету.

Непрыемны інцыдэнт адбыўся 14 лютага, калі ў аэрапорце "Звартноц" горада Ерэван (Рэспубліка Арменія) пры ўзлеце перакуліўся і загарэўся самалет CRJ-100 LR, які накіроўваўся ў Мінск. Ахвяраў і пацярпелых не было.

2008 год быў адзначаны як год актыўнага супрацоўніцтва з замежнымі партнерамі. Падпісаныя электронныя інтэрлайн-пагадненні з авіякампаніямі «Air One» (Італія), «LOT» (Польша), «Air Baltic» (Латвія), «Austrian Airlines», «Aerosvit» (Украіна), «British Airways», «Lufthansa» (Германія), «KD Avia» (Россия), ізраільскай "El Al" і «S7» (Расія) пашырылі магчымасці палетаў.

Прамыя зносіны паміж Мінскам і Міланам, якія былі наладжаны ў чэрвені 2008 года, – гэта яшчэ адзін крок да пашырэння маршрутнай сеткі, а адкрыцце прадстаўніцтвам другога ўласнага офісу - крок да задавальнення попыту на авіяперавозкі паміж Рэспублікай Беларусь і Італіяй, які пастаянна ўзрастае.

У рамках выконвання дзяржаўнай праграмы развіцця грамадзянскай авіяцыі Рэспублікі Беларусь "Белавія" набывае ў 2008 годзе ў аператыўны лізінг два "Боінга 737/500" і адзін "Боінг 737/300" ад амерыканскай лізінгавай кампаніі "ILFC- International Leasing Finance Corporation" ("Міжнародная Лізінгавая Фінансавая Карпарацыя"). Абнаўленне парку самалетамі, якія адпавядаюць усім міжнародным патрабаванням бяспекі і адрозніваюцца вялікай умяшчальнасцю і камфортам, было праведзена з мэтаю эксплуатацыі іх на найбольш загружаных рэгулярных і чартарных рэйсах.

У ліпені 2008 года Мінск наведала дэлегацыя Міжнароднай Асацыяцыі Паветранага Транспарту (ІАТА) - найбуйнейшая сусветная недзяржаўная арганізацыя авіякампаній, якая створана з мэтаю забеспячэння бяспекі і эканамічнага развіцця паветранага транспарту. Былі агавораны пытанні ўдзелу РБ у міжнародных сістэмах, якія разработаны ІАТА, выкарыстання новых тэхналогій хуткага і якаснага абслугоўвання пасажыраў, працэс укаранення электроннага білета. Асаблівая ўвага была нададзена пытанню стварэння ў Беларусі міжнароднай сістэмы ўзаемаразлікаў BSP Беларусь.

Важнай падзеяй канца 2008 года з’яўляецца ўнясенне "Белавія" ў регістр ІАТА як авіякампаніі, якая адпавядае стандартам эксплуатацыйнай бяспекі (IOSA). Наяўнасць сертыфіката IOSA пацвярджае выкарыстоўванне авіякампаніяй перадавых стандартаў у сферы забеспячэння бяспекі палетаў, вызначае міжнародны статус бяспечнага перавозчыка, дае патэнцыял да пашырэння міжнароднага супрацоўніцтва з вядучымі авіякампаніямя свету, спрашчае выхад на новыя рынкі.

Аб паспяховым пачатку 2009 года сведчыць уступленне "Белавія" ў сістему ўзаемаразлікаў BSP ІАТА у Казахстане. Гэта дазваляе забяспечваць продаж білетаў на рэйсы авіякампаніі акрэдытаванымі агентамі ІАТА.

За першую палову 2009 года "Белавія" ўзяла ў лізінг і ўвяла ў эксплуатацыю чатыры самалеты замежнай вытворцасці: два – Боінг 737/300 і два CRJ – 200, а самалет Ан-24 быў выведзены з саставу паветранага флоту авіякампаніі.

У жніўні гэтага ж года авіякампанія "Белавія" адкрывае новы рэгулярны рэйс па маршруце Мінск-Амстэрдам-Мінск.

11 лістапада 2009 г года ўвайшло ў гісторыю авіякампаніі "Белавія" як дзень калі быў набыты першы авіябілет "Белавія" праз сетку Інтэрнэт на сайце авіякампаніі. У той раз пасажыр набыў білет на рэйс Мінск-Масква-Мінск у эканамічным класе.

У тым жа месяцы авіякампанія стала лаўрэатам Першай Нацыянальнай Прэміі ў галіне маркетынгу "Энергія поспеху" у намінацыі "Лепшыя камунікацыі, выбудаваныя сродкамі BTL".

З 4 снежня "Белавія" адкрывае продаж электронных білетаў на рэйсы нацыянальнага галандскага авіяперавозчыка "KLM Royal Dutch Airlines". Такім чынам пасажыры, якія лётаюць рэйсамі "Белавія", атрымалі дадатковую магчымасць падарожнічаць у краіны Еўропы, Паўночнай і Паўднёвай Амерыкі праз Амстэрдам.

З канца 2009 года на бартах авіяперавозчыка пачынае палёты новы штомесячны бартавы часопіс авіякампаніі "Belavia ON AIR".

Пачатак наступнага года адзначылася для "Белавія" адкрыццём новага маршруту Мінск - Рыга.

7 красавіка Ў Нацыянальным аэрапорце "Мінск" прызямліцца чарговы самалёт амерыканскай вытворчасці Boeing 737/500, набыты авіякампаніяй "Белавія" ў аператыўны лізінг. Так парк паветраных судоў стаў налічваць ўжо шэсць самалётаў дадзенай мадыфікацыі.

17 мая 2010 "Белавія" і найбуйнейшы французскі авіяперавозчык Air France ўкаранілі электроннае інтэрлайн-пагадненне, на падставе якога абодва бакі атрымалі магчымасць афармляць электронныя перавозачныя дакументы на рэйсы адзін аднаго.

Важнай і прыемнай падзеяй для авіякампаніі "Белавія" стала далучэнне ў ліпені да Еўрапейскай асацыяцыі рэгіянальных авіякампаній (ERAA).

Дынамічна развіваючы партнёрскія адносіны, за другое паўгоддзе 2010 года авіякампанія "Белавія" заключыла двухбаковае інтэрлайн-пагадненне (а следам за ім і электроннае інтэрлайн-пагадненне) з амерыканскай авіякампаніяй "Дэльта". Яшчэ адным партнёрам для "Белавія" стала авіякампанія "Татарстан", з якой таксама было падпісана інтэрлайн-пагадненне.

Працягваючы развіваць маршрутную сетку, авіякампанія "Белавія" адкрывае новы кірунак у геаграфіі палётаў: 15 верасня 2010 года года з Нацыянальнага аэрапорта выляцеў першы рэйс ў Батумі - найстарэйшы курортны горад Грузіі.

Праз месяц пасажырам "Белавія" адкрылася магчымасць набыцця электроннага авіябілета на рэйсы ў Стамбул.

У адпаведнасці з дзяржаўнай праграмай развіцця грамадзянскай авіяцыі "Белавія" набывае ў аператыўны лізінг чарговае паветранае судна - самалёт CRJ-200LR канадскага вытворцы Bombardier. 26 кастрычніка ён прызямліўся ў Нацыянальным аэрапорце "Мінск", прыляцеўшы з дацкага горада Сандэрборг.

2010 год стаў для "Белавія" па-сапраўднаму багатым на падзеі. Напярэдадні навагодніх святаў авіякампанія адкрывае яшчэ адзін рэгулярны рэйс. На гэты раз пасажырам прапанаваны маршрут Мінск - Ашхабад - Мінск. З 14 снежня палёты ў сталіцу Туркменістана сталі выконвацца адзін раз на тыдзень.

У 2011 былі адкрытыя новыя рэгулярныя напрамкі: Хельсінкі, Сімферопаль, Караганда, а палёты ў Астану і Гановер сталі выконвацца на круглагадовай аснове. Рэйсы ў Калінінград выконваюцца не толькі з Мінска, але і з абласных цэнтраў: Брэст, Гомель, Гродна.

«Белавія» заключыла інтэрлайн-пагадненне з Бельгійскай чыгункай Accessrail. Камбінаваныя авія- і чыгуначныя квіткі дазволілі пасажырам у аэрапорце перасаджвацца на цягнікі, якія ідуць да пунктаў, у якія не ажыццяўляюцца паветраныя зносіны.

На сайце авіякампаніі быў рэалізаваны праект «3D-флот», дзякуючы якому можна здзейсніць віртуальную экскурсію па самалётах, якія кампанія эксплуаціруе на рэгулярных і чартэрных напрамках.

У 2011 годзе пасажырапаток авіякампаніі ўпершыню перавысіў адзін мільён пасажыраў. Мільённы пасажыр быў перавезены ў снежні 2011 года на рэйсе Мінск-Берлін.

У 2012 годзе карта рэгулярных палётаў «Белавія» папоўнілася двума новымі напрамкамі: Новасібірск і Барселона.

У верасні 2012 года ўпершыню ў гісторыі авіякампаніі былі ўзятыя ў аператыўны лізінг два новыя паветраныя судны Embraer 175 з заводу-вытворцы ў Бразіліі.

Акрамя таго, у 2012 годзе пасажыры атрымалі магчымасць рэгістравацца на рэйсы "Белавія" праз інтэрнэт.

У 2013 годзе адкрыта 6 новых кірункаў. Увесну быў адкрыты рэйс у сёмы па ліку пункт прызначэння ў Расіі - Самару. Акрамя гэтага, у канцы мая пачалі здзяйсняцца палёты ў трэці горад Грузіі - Кутаісі.

У канцы мая было падпісана код-шэрынгавае пагадненне з Нацыянальнай авіякампаніяй Аб'яднаных Арабскіх Эміратаў Etihad Airways. Белавія з'яўляецца маркетынгавым перавозчыкам на рэйсах у Абу-Дабі, Хашымін, Сіднэй і Мэльбурн, якiмi аперыруюць Etihad Airways.

У чэрвені 2013 флот авіякампаніі папоўніўся яшчэ адным Boeing 737-300.

19 верасня быў адкрыты першы рэйс авіякампаніі, які звязаў не толькі Будапешт, Бялград і Мінск, але і сталіцы Венгрыі і Сербіі паміж сабой.

У канцы лістапада 2013 "Белавія" ўнесена ў рэестр мытных перавозчыкаў. Авіякампанія атрымала права перавозкі тавараў сваіх кліентаў у межах Мытнага саюза Беларусі, Расіі і Казахстана і праводзіць мытную ачыстку непасрэдна ў пункце прызначэння.

17 снежня быў адкрыты новы авіярэйс па маршруце Мінск-Жэнева-Мінск, а 19 снежня быў выкананы першы рэгулярны палёт у Вільнюс.

3 студзеня 2014 г у Нацыянальным аэрапорце "Мінск" прызямліўся чарговы Boeing 737-300 авіякампаніі "Белавія".

29 студзеня РУП "Нацыянальная авіякампанія "Белавія" было рэарганізавана ў ААТ "Авіякампанія "Белавія".