Перавозка жывёл

Перавозка жывёл ажыцяўляецца толькі са згоды авіяперавозчыка, і магчыма пры ўмове, што хатнія любімцы знаходзяцца ў кантэйнерах (клетках) з воданепранікальным дном і свабодным доступам паветра.

Для авіяперавозкі жывел патрэбны наступныя дакументы:

  1. Ветэрынарнае пасведчанне аб прышчэпках;
  2. Мікрачып;
  3. Пашпарт жывелы.
  4. Ветэрынарны сертыфікат, які неабходна атрымаць у аддзяленні ветэрынарнай службы (гарадскім або раёнам) у галоўнага ветэрынарнага лекара горада або раёна. Пасажыр павінен звярнуцца ў Смалявіцкі пагранічны кантрольны ветэрынарны пункт (ПКВП) у Нацыянальным аэрапорце "Мінск" (тэл .: + 375-17-279-16-90, + 375-17-279-12-15) з жывёлай і прад'явіць неабходныя дакументы, для атрымання адзнакі аб іх наяўнасці і дазволу на перавозку.

    Для атрымання даведачнай інфармацыі аб выдачы сертыфіката звяртацца ў Дзяржаўны ветэрынарны нагляд па тэл.: + 375-17-233-80-99, або ў мясцовае аддзяленне ветэрынарнай службы.

    Адказнасць за падрыхтоўку і прадастаўленне ўсіх неабходных дакументаў нясе пасажыр.

Жывелы маладзей трох месяцаў да перавозкі не прымаюцца.

Звяртаем увагу на тое, што некаторыя краіны маюць вельмі строгія абмежаванні ці нават забарону на ўвоз жывел, пагэтаму рэкамендуем загадзя пацікавіцца правіламі іх ўвозу ў краіну прызначэння.

ПРЫТРЫМЛІВАННЕ ЎСІХ ЗАКОНАЎ І ПРАВІЛАЎ УВОЗУ ЖЫВЁЛ НА ТЭРЫТОРЫЮ КРАІНЫ ПРЫЗНАЧЭННЯ – АБАВЯЗАК ІХ УЛАДАЛЬНІКАЎ.

Авіякампанія "Белавія" не нясе адказнасці за страты, якія могуць быць нанесены жывёле яе ўласнымі паводзінамі і невыкананнем уладальнікам правілаў і законаў краіны прызначэння.

Перавозка жывых жывёл у якасці грузу, багажу, ручной паклажы на рэйсах ААТ «Авіякампанія «Белавія» з Рэспублікі Беларусь у пункты на тэрыторыі Вялікабрытаніі (Лондан, Манчэстэр) КАТЭГАРЫЧНА ЗАБАРОНЕНА.

Зваротная перавозка жывых жывёл з пунктаў Вялікабрытаніі ў Рэспубліку Беларусь на рэйсах «Белавія» дазваляецца.

За больш падрабязнымі звесткамі звяртайцеся ў прадстаўніцтва авіякампаніі.

Перавозка жывёл у багажы і ручной паклажы - тэл. (+375 17) 220-25-55, e-mail: support@belavia.by

Перавозка жывёл у якасці грузу - тэл. (+375 17) 279-20-74, e-mail: сargo@belavia.by

Абмежаванні на перавозку жывых жывёл у Турцыю

  1. Некамерцыйныя адпраўкі (кошкі, сабакі, тхары і птушкі):
    • Афіцыйны ветэрынарны сертыфікат, выдадзены за 48 гадзін да вылету.
    • Мікрачыпіраванне (дата мікрачыпа павінна быць раней за апошні вакцынацыі супраць шаленства).
    • Вынікі аналізу крыві: праз 30 дзён пасля апошняй вакцынацыі супраць шаленства, у тым ліку для краін, свабодных ад шаленства. Калі аналіз крыві не прадстаўлены, увоз жывёлы будзе забаронены.
    • Аналіз крыві: калі перыядычнасць вакцынацыі ад шаленства, не перарвана і завершана своечасова, яна захоўвае сваю сілу.
    • Уладальнік павінен падарожнічаць тым жа рэйсам і датай.
    • Дапускаюцца толькі 2 жывёлы на чалавека.
    • Шчанюкі і кацяняты маладзей 4 месяцаў не дапускаюцца.
    • Пакоі для жывёл маюцца ў аэрапорце, але гатэль для жывёл адсутнічае.
    • Афармленне ў той жа дзень залежыць ад часу і даты прыбыцця.
    • Наступныя пароды сабак не дапускаюцца ў Турцыю: піт-бультэр'ер, японскі Тоса-іну, аргентынскі дог, Пітбуль-тэр'ер і іншыя небяспечныя пароды або метысы.
  2. Камерцыйныя адпраўкі падлягаюць папярэднім узгадненні з Міністэрствам харчавання, сельскай гаспадаркі і жывёлагадоўлі.

Новыя патрабаванні па ўвозе хатніх жывёл у Ізраіль

  1. Увоз хатніх жывёл у Ізраіль рэгулюецца Палажэннем пра хваробы жывёл (імпарт жывёл), 1974 (далей – “Правілы”) і быў апублікаваны па гэтым пытанні.
  2. Пасля ўспышкі каронавіруса (Covid-19) урад сфармуляваў новыя правілы на час надзвычайнай сітуацыі (новы каронавірус) (каранцін замест Дзяржаўныя памяшканні для каранціну), 2020, у якіх гаворыцца, што любы грамадзянін альбо рэзідэнт Ізраіля па вяртанні ў Ізраіль павінен быць змешчаны на каранцін ва ўрадавых памяшканнях (далей – “Гатэль”) на тэрмін 14 дзён, калі толькі ён не атрымаў пісьмовага дазволу Міністэрства аховы здароўя на альтэрнатыўны каранцін замест гатэля. Доступ хатніх жывёл у гэтыя гатэлі забаронены. Таму для прадухілення пакідання хатніх жывёл, якія прыбываюць у Ізраіль, было вырашана дадаткова рэгуляваць уезд хатніх жывёл у Ізраіль.
  3. Ніжэй пададзеныя рэкамендацыі, якія вынікаюць з рашэння:
    • Усе ўладальнікі хатніх жывёл, якія адпраўляюцца ў Ізраіль, павінны атрымаць пісьмовы ліст-адабрэнне ад Ветэрынарнай службы ў аэрапорце Бэн-Гурыён. Для таго каб атрымаць дазвол на загрузку жывёліны на самалёт, калі ласка, звяжыцеся з офісамі Ветэрынарнай службы: аэрапорт Бэн-Гурыён, тэлефон: 03-9792240, ці па электроннай пошце: vs-airport@moag.gov.il.
    • Усе імпарцёры/асобы, якія ўвозяць жывёл і павінны быць змешчаныя на каранцін ва ўрадавых памяшканнях, павінны мець дазвол на ўвоз жывёл у адпаведнасці з правілам 2 (а) Правілаў.
    • Калі імпарцёр/асоба, якая ўвозіць жывёліну, павінна знаходзіцца на каранціне ў гатэлі, то для таго каб атрымаць дазвол на ўвоз, імпарцёр/асоба, якая ўвозіць жывёліну, павінна будзе падаць усе дадзеныя (імя, поўны адрас, стацыянарны тэлефон, мабільны тэлефон і электронную пошту) чалавека ці арганізацыі, якія будуць клапаціцца пра жывёліну на працягу ўсяго часу знаходжання ўладальніка на каранціне ў гатэлі. У выпадку, калі асоба, якая ўвозіць жывёліну, атрымала ад Міністэрства аховы здароўя пісьмовае вызваленне ад каранціну ў гатэлі з прадастаўленнем альтэрнатыўнага месца каранціну, неабходна падаць гэтае вызваленне ў наш офіс разам з усімі неабходнымі дакументамі.
    • Калі ўладальнік жывёліны атрымаў пісьмовы дазвол ад Міністэрства аховы здароўя на хатні каранцін, то сабак/катоў, якія прыбываюць у Ізраіль у суправаджэнні ўладальніка, не трэба афармляць у якасці грузу.
    • Калі ўладальнік/асоба, якая ўвозіць жывёліну, не атрымала ад Міністэрства аховы здароўя вызваленне (у пісьмовай форме) ад каранціну ў гатэлі, Ветэрынарная служба аэрапорта Бэн-Гурыён павінна атрымаць пацвярджэнне ад асобы ці арганізацыі, прызначанай імпарцёрам/падарожнікам для догляду за жывёлінай, таго, што, пакуль імпарцёр/падарожнік знаходзіцца ў каранціне, яны гатовыя ўзяць на сябе адказнасць за жывёліну на працягу неабходнага часу, а таксама прыедуць забраць жывёліну з аэрапорта па яе прыбыцці.
    • Жывёліна і імпарцёр/асоба, якая ўвозіць жывёліну, павінны адпавядаць усім ветэрынарным патрабаванням ветэрынарных службаў у дачынынні да імпарту/ўвозу хатніх жывёл.
    • Імпарцёру/асобе, якая ўвозіць жывёліну, прыбылым у аэрапорт з-за мяжы, забаронена прыходзіць у офіс Ветэрынарнай служб ці грузавы тэрмінал, каб атрымаць жывёліну. Такія асобы могуць скарыстацца з паслуг мытнага агента ці іншай асобы, акая не была за мяжой і не знаходзіцца ні пад якім дзеючым абмежаваннем.
  4. Хатнія жывёлы, якія прыбываюць у Ізраіль чынам, які не адпавядае вышэйзгаданым правілам, будуць канфіскаваныя ветэрынарнымі службамі ці адпраўленыя назад у краіну паходжання.
  5. Калі хатнія жывёлы прыбываюць у Ізраіль чынам, які не адпавядае вышэйзгаданым правілам, будуць прынятыя прававыя меры ў дачыненні да імпарцёра/асобы, якая ўвозіць жывёліну, а таксама авіякампаніі, якая даставіла жывёліну. Імпарцёр/асоба, якая ўвозіць жывёліну, і авіякампанія павінны будуць таксама пакрыць усе выдаткі, звязаныя з вяртаннем жывёліны ў краіну яя паходжання і/ці доглядам за азначанай жывёлінай.