Выбар месцаў

Белавія прапануе паслугу «Папярэдні выбар месца ў салоне» на ўсіх рэгулярных рэйсах авіякампаніі (акрамя рэйсаў, што вылятаюць з Дубая, Туркменбашы, Шарджы), а таксама чартарных рэйсах, што вылятаюць з Мінска, Анталіі, Хургады і Шарм-эль-Шэйха.

Агульныя палажэнні адносна аказання паслугі

Папярэдні выбар месцаў (далей - паслуга) - дае пасажыру магчымасць выбару паводле яго жадання месца пэўнай катэгорыі ў салоне эканамічнага класа паветранага судна. Пасажыры бізнес класа змогуць скарыстацца паслугай папярэдняга выбару месца ў салоне паветранага судна без дадатковай аплаты. 

Паслугу можна набыць у офісах продажаў, а таксама на сайце belavia.by у працэсе куплі авіяквітка або у раздзеле «Статус браніравання» пры наяўнасці авіяквітка з пацверджаным браняваннем на рэйс БЕЛАВІЯ. Кошт паслугі ўстаноўлена ў залежнасці ад тарыфу ў авіябілеты, статусу ўдзельніка ў праграме «Белавія Лідэр», а таксама іншых умоў і адлюстроўваецца на кроку выбару месца.

У рамках аказання паслугі пасажыру даецца магчымасць папярэдняга выбару месца адной з наступных катэгорый: 

Катэгорыя 1 - Extra Leg Room Seat – месца ў салоне бізнес-класа * па авіяквітку эканамічнага класа, пры адсутнасці на рэйсе пасажыраў бізнэс-класа;

Катэгорыя 2 - Bulkhead Seat – месца ў 1-м радзе салона эканомкласа, размешчаным за салонам бізнес-класа, у самалётах з канструктыўна вылучаным салонам бізнес-класа.

Катэгорыя 3 - Exit Row Seat – месца ў радах з павялічанай прасторай для ног, змесцаваных насупраць аварыйных выхадаў;

Катэгорыя 4 - Front Of Cabin Seat – месца ў пачатку салона эканомкласа, за выключэннем згаданых вышэй катэгорый.

Катэгорыя 5 - Standard seat – стандартныя месцы ў салоне эканомкласа, за выключэннем згаданых вышэй катэгорый.

* месцы катэгорыі 1 прапаноўваюцца ў выпадку выканання рэйса самалётам з канструктыўна вылучаным салонам бізнес-класа. Набыццё месца катэгорыі 1 не цягне за сабой аказанне якіх-небудзь дадатковых паслуг (сілкаванне бізнес-класа, асобная стойка рэгістрацыі і г. д.)

Кошт паслугі вызначаецца ў залежнасці ад катэгорыі месца, ужытага ў авіяквітку тарыфу, статусу ўдзельніка ў праграме “Белавія Лідэр” і іншых умоў.

Паслуга можа быць аформлена на рэгулярных рэйсах авіякампаніі можа быць аформлена ў офісах продажаў не пазней:

- 24 гадзін да вылету рэйса для месцаў катэгорыі 5;

- 3 гадзін да вылету для месцаў катэгорыі 1,2,3,4.

Продаж паслугі на сайце спыняецца па сканчэнні анлайн рэгістрацыі.

Увага! Набыццё паслугі не азначае праходжанне рэгістрацыі на рэйс. Пасажыр павінен прайсці рэгістрацыю на рэйс зручным для яго спосабам - анлайн, у кіёску самастойнай рэгістрацыі (калі маюцца) альбо на стойцы рэгістрацыі ў аэрапорце па агульнай чарзе. 

З умовамі аказання паслугі “Папярэдні выбар месцаў” удзельнікам “Белавія Лідэр” элітных узроўняў можна азнаёміцца тут. 

Продаж паслугі на чартэрных рэйсах, што вылятаюць з Мінска, пачынаецца за 72 гадзіны да адпраўлення рэйса па раскладзе і можа быць аформлена ў офісах продажаў не пазней:

• 24 гадзін да вылету рэйса для месцаў катэгорыі 5;
• 3 гадзін да вылету для месцаў катэгорый 1,2,3,4.

Продаж паслугі на сайце спыняецца па сканчэнні анлайн рэгістрацыі.

Продаж паслугі на чартэрных рэйсах, што вылятаюць з замежных аэрапортаў (Анталія, Хургада, Шарм-эль-Шэйх), пачынаецца з моманту афармлення авіяквітка (наяўнасці ў пасажыра кода браніравання і нумара авіяквітка) і сканчаецца за 24 гадзіны да адпраўлення рэйса для ўсіх катэгорый месцаў.

Афармленне, аплата і парадак аказання паслугі

БЕЛАВІЯ пакідае за сабой права абмяжоўваць аказанне паслугі для розных тыпаў паветраных суднаў і на розных маршрутах у адпаведнасці з патрабаваннямі бяспекі палётаў і тэхнічнымі магчымасцямі, а таксама ў залежнасці ад катэгорыі пасажыра. 

Паслуга даецца на ўласных рэгулярных рэйсах БЕЛАВІЯ. Плата за паслугу спаганяецца за палётны сегмент. 

Пры змене раскладу, замене паветранага судна, змене кампаноўкі салона БЕЛАВІЯ, ў мэтах захавання за пасажырам замоўленай паслугі, ажыццяўляе змену забраніраванага месца ў межах абранай катэгорыі ў аўтаматычным рэжыме, але не гарантуе захавання нумара прызначанага месца. БЕЛАВІЯ прыме ўсе магчымыя меры для захавання сумеснага размяшчэння пасажыраў, якія забраніравалі паслугу ў адным браніраванні. Афармляючы паслугу, пасажыр дае сваю згоду на змяненне месца ў межах аплачанай катэгорыі ў названых вышэй выпадках.

Паслуга лічыцца аказанай па факце перавозкі пасажыра на месцы забраніраванай катэгорыі пры ўмове аплаты паслугі і афармлення авіяквітка. 

У выпадку тэхнічнай немагчымасці даць месца аплачанай катэгорыі БЕЛАВІЯ пакрые кошт паслугі. 

БЕЛАВІЯ не абавязаная апавяшчаць пасажыраў пра змены ў паслузе, звязаныя з заменай тыпу і/ альбо кампаноўкі паветранага судна без змены раскладу руху паветранага судна. Пра наяўнасць змен у паслузе пасажыр можа даведацца пры праглядзе падрабязнай інфармацыі ў раздзеле “Статус браніравання” на сайце БЕЛАВІЯ альбо пры самастойнай анлайн-рэгістрацыі.

Звяртаем Вашу ўвагу, што продаж паслугі можа быць абмежаваны для некаторых катэгорый пасажыраў. Да прыкладу, пасажыр, які вандруе на месцы ў радзе аварыйнага выхаду, павінен:

- Быць не маладзейшы за 18 гадоў.

- Не падарожнічаць з немаўляткам і дзецьмі ва ўзросце да 16 гадоў.

- Разумець і ўмець размаўляць на англійскай мове з экіпажам пра задачы, выкананне якіх можа спатрэбіцца ў выпадку экстранай эвакуацыі, а таксама вывучыць карту бяспекі, прадстаўленую для гэтай мэты.

- Быць фізічна ў стане вызначыць месцазнаходжанне аварыйнага выхаду, упраўляць ім, а таксама хутка прайсці праз яго.

- Быць гатовым дапамагчы экіпажу і іншым пасажырам у эвакуацыі самалёта.

- Не знаходзіцца ў стане (выкліканым узростам, траўмай, слабасцю, фізічнай альбо псіхалагічнай інваліднасцю, парушэннем зроку ці слыху, хваробай ці яшчэ нечым), які можа перашкодзіць выконваць пералічаныя вышэй абавязкі.

- Не падарожнічаць з сабакам-павадыром альбо медыцынскім асістэнтам.

- Не мець неабходнасці ў падаўжальніку рамяня бяспекі.

- Не падарожнічаць з жывёламі.

У выпадку, калі ў працэсе набыцця паслугі выбрана месца з тых, да пасажыраў якіх прад'яўляюцца адмысловыя патрабаванні, пасажыр будзе мець магчымасць азнаёміцца з указанымі патрабаваннямі авіякампаніі да этапу аплаты паслугі. Купля такога месца азначае пацверджанне адпаведнасці пасажыра вызначаным патрабаванням і згоды з імі

Экіпаж паветранага судна, не зважаючы на набытыя ў радзе выхаду месцы, мае права запатрабаваць, каб Вы вызвалілі месца ў радзе выхаду, калі гэта будзе палічана неабходным у інтарэсах бяспекі альбо калі Вы не адпавядаеце якім-небудзь іншым патрабаванням.

Пры гэтым кошт паслугі не пакрываецца. 

Змена паслугі, зварот

Зварот грашовых сродкаў, якімі аплачана паслуга, праводзіцца на месцы, дзе пасажыр набыў паслугу. 

Пасажыр не можа змяніць абранае месца пасля аплаты паслугі. Для змены месца неабходны зварот і афармленне новай паслугі. 

Спосаб атрымання звароту кошту паслугі вызначаецца ў адпаведнасці са спосабам аплаты паслугі пры куплі.

Заява на ануляванне папярэдне выбранага месца ў салоне паветранага судна і вяртанне грашовых сродкаў, аплачанага на сайце авіякампаніі belavia.by, знаходзіцца тут.