"Белавія" пачынае продаж электронных білетаў на рэйсы "KLM Royal Dutch Airlines".

У пасажыраў, якія лятаюць рэйсамі «Белавія», з'явілася магчымасць пакупкі электронных білетаў на рэйсы нацыянальнага галандскага авіяперавозчыка «KLM Royal Dutch Airlines», у рамках падпісанага інтэрлайн-пагаднення. Продаж электронных білетаў на рэйсы «KLM Royal Dutch Airlines» дае дадатковыя магчымасці падарожжаў у краіны Еўропы, Паўночнай і Паўднёвай Амерыкі праз Амстэрдам.

Электронны білет мае відавочныя перавагі перад папяровым білетам, асабліва для дзелавых людзей, якія шануюць свой час. З укараненнем тэхналогіі электроннага авіябілета адпадае неабходнасць ехаць у касу за білетам або загадзя прыязджаць у аэрапорт, каб аформіць яго да вылету. Акрамя гэтага, білет захоўваецца ў электронным выглядзе і яго немагчыма забыць або згубіць, а рэгістрацыя з гэтым білетам простая і займае мінімум часу. На сённяшні дзень электронны білет паспяхова выкарыстоўваецца на ўсіх рэгулярных маршрутах «Белавія». Дадзенае пагадненне стала юбілейным - дваццатым па ліку. Сёння гэта самая зручная для пасажыраў форма набыцця авіябілетаў, якая прапануецца ўсімі вядучымі авіякампаніямі свету.

Нацыянальная авіякампанія «Белавія» выконвае тройчы ў тыдзень рэгулярныя рэйсы паміж сталіцамі Беларусі і Нідэрландаў.