Мінск-Ашхабад - новы напрамак "Белавія"

З 14 снежня 2010 авіякампанія "Белавія" адкрывае новы рэгулярны рэйс па маршруце Мінск - Ашхабад - Мінск. Палёты ў сталіцу Туркменістана будуць выконвацца адзін раз на тыдзень па аўторках, з адваротным вылетам па серадах. Палёт з сталіцы Беларусі ў Ашхабад складае чатыры гадзіны: час вылету з Мінска - 23.40, прыбыццё ў Ашхабад - 06.40, вылет з Ашхабада ў 07.40, прыбыццё ў Мінск - 08.50 па мясцовым часе.

Расклад палётаў складзена такім чынам, што дазваляе забяспечыць зручныя транзітныя авіяперавозкі праз Мінск у Ашхабад з гарадоў Заходняй Еўропы і СНД: Берліна, Варшавы, Вены, Калінінграда, Кіева, Мілана, Масквы, Парыжа, Прагі, Рыгі, Санкт -Пецярбурга і Стакгольма. А пасажыры з Ашхабада могуць падарожнічаць у Амстэрдам, Варшаву, Вену, Калінінград, Кіеў, Маскву, Прагу, Рым, Санкт-Пецярбург, Стакгольм і Франкфурт.

Рэйс Мінск - Ашхабад будзе выконвацца самалётам Боінг 737-500, што забяспечыць пасажырам абслугоўванне на борце па эканом- і бізнес-класах. Дадзены тып паветранага судна дазваляе таксама ажыццяўляць грузавыя авіяперавозкі.