«Белавія» Будзе лятаць у Астану тры разы у тыдзень

Нацыянальная авіякампанія «Белавія» з 23 студзеня 2012 года павялічвае частату выканання палётаў па маршруце Мінск - Астана - Мінск. Цяпер рэйсы будуць выконвацца тры разы ў тыдзень.

 

На працягу больш за 10 гадоў рэйсы былі выключна сезоннымі і выконваліся ў летні перыяд. З верасня 2011 года рэйс Мінск - Астана - Мінск стаў круглагадовым і выконваецца два разы ў тыдзень.

 

«З кожным месяцам пасажырапаток па маршруце Мінск-Астана-Мінск значна павялічваецца. Таму, каб задавальняць попыт пасажыраў, а таксама развіваць транзітны паток праз Нацыянальны аэрапорт «Мінск», мы прынялі рашэнне аб павелічэнні частотнасці рэйсаў. Павелічэнне частаты палётаў таксама звязана з развіццём Адзінай эканамічнай прасторы», - паведаміў генеральны дырэктар Нацыянальнай авіякампаніі «Белавія» Анатоль Гусараў.

 

Павелічэнне колькасці рэйсаў будзе садзейнічаць больш зручным стыкоўкам для пералёту з аэрапортаў Астаны праз Мінск у гарады Еўропы і зваротна.

 

 

АСТАНА	В2	1875	737	1/2	21.10	04.10+	В2	1876	05.15	06.40
АСТАНА	В2	1875	737	3/4	21.10	04.10+	В2	1876	05.15	06.40
АСТАНА	В2	1875	737	6/7	21.10	04.10+	В2	1876	10.35	12.00