Спецыялісты АТБ правялі C-check самалётаў

У першы тыдзень снежня спецыялістамі авіяцыйна-тэхнічнай базы авіякампаніі ўпершыню былі асвоены работы па перыядычнаму тэхнічнаму абслугоўванню самалёта CRJ-100 (EW-100PJ) у аб’ёме C-check.

У адпаведнасці з выкананнем каляндарных работ быў выкананы комплекс стандартных работ, звязаных з дэталёвай інспекцыяй канструкцыі паветранага судна, работы па неразбуральным кантролю элементаў канструкцыі планеру і кампанентаў паветранага судна, рамонтна-аднаўленчыя работы канструкцыі паветранага судна і інтэр’еру пасажырскага салона.

Дадаткова, спецыялістамі інжынерна-авіяцыйнай службы была выканана працаёмкая мадыфікацыя проціабледзяняльнай сістэмы самалёта для павышэння ўзроўню бяспекі пры эксплуатацыі паветранага судна ў зімовы перыяд, якая дазваляе выкарыстоўваць падагрэў пярэдняй абзы крыла на зямлі для прадухілення фарміравання абледзянення.