Авіякампанія Белавія ўводзіць эксперыментальныя тарыфы

Напярэдадні святкавання 85-годдзя грамадзянскай авіяцыі Рэспублікі Беларусь у мэтах паляпшэння даступнасці авіяперавозак для жыхароў Беларусі, а таксама для павелічэння колькасці турыстаў, якія ляцяць у Беларусь у рамках дзеючага 30-дзённага бязвізавага рэжыму, «Белавія» ўводзіць эксперыментальныя тарыфы па большасці кірункаў рэгулярнай сеткі маршрутаў авіякампаніі да канца зімовага раскладу. Тарыфы будуць даступныя толькі на сайце авіякампаніі www.belavia.by з 2 лістапада і пры ўмове набыцця не менш, чым за 45 дзён да вылету. На сайце тарыфы будуць адлюстроўвацца ў графе «прома», падсвечаны зялёным колерам і пазначаныя фірмовым знакам авіякампаніі – васільком.

Кошт авіяквіткоў па новых тарыфах на некаторых кірунках зніжаны да 75%. Эксперыментальныя тарыфы будуць даступныя па наступных кірунках: Сочы, Амстэрдам, Алматы, Барселона, Брусэль, Берлін, Будапешт, Ерэван, Батумі, Жэнева, Гановер, Харкаў, Калінінград, Казань, Санкт-Пецярбург, Ларнака, Лондан, Львоў, Мілан, Адэса, Парыж, Прага, Рым, Растоў, Стакгольм, Тбілісі, Тэль-Авіў, Бялград, Ніжні Ноўгарад, Краснадар, Кішынёў і Астана.

Напрыклад, па найбольш папулярных кірунках кошт перавозкі будзе наступны:

Колькасць месцаў па эксперыментальным тарыфе абмежавана.

«У першую чаргу, мы ставілі перад сабой мэту – зрабіць перавозкі больш даступнымі і прадэманстраваць камфорт падарожжа прамымі рэйсамі авіякампаніі. Мы спадзяемся, што жыхары Беларусі па вартасці ацэняць эксперыментальныя тарыфы «Белавія» і стануць падарожнічаць з Мінска часцей. Акрамя гэтага, мы ўпэўнены, што гэты праект стане рэальным укладам авіякампаніі ў развіццё ўязнога турызму ў Рэспубліку Беларусь», - расказаў генеральны дырэктар «Белавія» Анатоль Гусараў.

Умовамі выкарыстання новых тарыфаў прадугледжана:

• продаж толькі праз уласны сайт авіякампаніі www.belavia.by не менш, чым за 45 дзён да вылету рэйса;
• максімальны тэрмін знаходжання ў пункце назначэння па дадзеным тарыфе - 1 месяц.
• дазваляецца камбінацыя з іншымі даступнымі тарыфамі эканамічнага класа на выбраных кірунках;
• змены і вяртанне забаронены, у тым ліку пры камбінаванні тарыфаў;
• выкарыстанне квітка, аформленага па маршруце «туды-назад», абавязкова ў адпаведнасці з чарговасцю сегментаў, пачынаючы з першага аэрапорта адпраўлення, адзначанага ў квітку. Пры невыкарыстанні квітка на першым участку месцы анулююцца па ўсім маршруце, і пасажыр на другім участку не будзе прымацца да перавозкі, заплачаная сума, уключаючы таксы і зборы, пасажыру не вяртаецца.

Калі ласка, уважліва азнаёмцеся з правіламі выкарыстання дадзеных тарыфаў.