Белавія прапануе зніжкі для закаханых пасажыраў

     14 лютага квіткі авіякампаніі «Белавія» можна набыць са зніжкай 50%.
     На сайце belavia.by 14 лютага з 9:30 будзе даступна купля квіткоў па ўсіх рэгулярных напрамках. Перыяд падарожжа з 15.02.2019 па 31.03.2019.
     Кошт квітка складзе 50% ад мінімальнага апублікаванага тарыфу плюс таксы і зборы аэрапорта.
     Зніжкі даступныя пры набыцці авіяквітка на ўсе прамые рэйсы як з Мінска, так і ў Мінск, выключаючы магчымасць набыцця білета толькі ў адзін бок. Па правілах акцыйнага квітка пасажыр мае права знаходзіцца ў краіне максімум 30 дзён. Звяртаем вашу ўвагу, што ў акцыі не ўдзельнічае маршрут Мінск-Бейрут-Мінск.
     Купля квіткоў па акцыі дазволіць пасажырам Белавія наведаць самыя распаўсюджаныя напрамкі Еўропы і вырашыць бізнес-пытанні ў краінах СНД па прымальнай цане. Але просім уважліва азнаёміцца з умовамі правядзення акцыі:

• Змены часу і даты вылету забаронены;
• Выкарыстанне квітка абавязкова ў адпаведнасці з чарговасцю маршрута, пачынаючы з першага аэрапорта адпраўлення, адзначанага ў квітку. Пры невыкарыстанні квітка на адным з участкаў месцы анулююцца па ўсім далейшым маршруце, пасажыр не будзе прымацца да перевозкі на ўсіх далейшых участках маршруту. У гэтым выпадку заплачаная сума, уключаючы таксы і зборы, пасажыру не вяртаецца;
• Набытыя па спецыяльным кошце квіткі, у тым ліку пры камбінацыі спецыяльнага тарыфу з іншым тарыфам, з’яўляюцца незваротнымі. У выпадку адмовы пасажыра ад палёта заплачаная сума, уключаючы таксы і зборы, не вяртаецца;
• Колькасць квіткоў па акцыі абмежавана;
• Пры набыцці акцыйнага квітка грамадзянамі РБ, а таксама пры аплаце картамі беларускіх банкаў здзяйсненне аперацыі магчыма толькі ў беларускіх рублях. Калі ласка, пераканайцеся, што на этапе выбару рэйсаў вы выбралі адпаведную валюту.