Інфармацыя пра змену тэрмінала прылёту ў Міжнародны аэрапорт Дубай

Авіякампанія “Белавія” звяртае ўвагу пасажыраў на тое, што з 2 ліпеня 2021 года рэйсы па маршруце Мінск-Дубай будуць выконвацца ў тэрмінал № 1 міжнароднага аэрапорта Дубая. Раней авіякампанія выконвала палёты ў тэрмінал № 3.

Першы тэрмінал быў пабудаваны ў 2000 г. і разлічаны на абслугоўванне найбуйнейшых авіякампаній. Для зручнасці пасажыраў тут размешчаныя бары, кафэ, пакоі адпачынку, бізнес-цэнтр, пяцізоркавая гасцініца, медыцынскі цэнтр.