Белавія адзначае 20-годдзе палётаў у Маскоўскі аэрапорт Дамадзедава

У ліпені 2021 года “Белавія” і Маскоўскі аэрапорт Дамадзедава адзначаюць 20-годдзе супрацоўніцтва. Сёння ў гонар святочнай падзеі стойкі рэгістрацыі на рэйс Масква-Мінск упрыгожылі паветранымі шарамі, а пасажыраў чакалі салодкія падарункі.

У далёкім 2001 годзе авіякампанія пачынала палёты ў Дамадзедава на самалётах Як-40 і Ан-24 з частатой 3 рэйсы на тыдзень, а ўжо ў 2019 годзе “Белавія” выконвала 7 рэйсаў штодня на сучасных і камфортных самалётах Boeing і Embraer.

Аэрапорт Дамадзедава - першы расійскі аэрапорт, у які “Белавія” аднавіла рэгулярныя палёты пасля перапынку з-за пандэміі. У першым паўгоддзі 2021 года пасажырапаток склаў амаль 41 тыс. чалавек.

Авіякампанія “Белавія” неаднаразова ўваходзіла ў лік самых пунктуальных авіякампаній аэрапорта Дамадзедава. Гэта стала магчымым дзякуючы прафесіяналізму і сумеснай суладнай працы супрацоўнікаў авіякампаніі і аэрапорта.

Калектыў авіякампаніі выказвае падзяку аэрапорту Дамадзедава за супрацоўніцтва на працягу многіх гадоў.