Змяненне правілаў уезду ў Азербайджан

У адпаведнасці з Пастановай Кабінета міністраў Азербайджанскай Рэспублікі нумар 29 ад 26.01.2022 грамадзяне Рэспублікі Беларусь могуць уязджаць на тэрыторыю краіны з турыстычнай мэтай. Для ўезду ў Азербайджан пасажырам неабходна прад’явіць на рэгістрацыі адмоўны вынік ПЦР-тэсту, зробленага не раней за 72 гадзіны да вылету, і сертыфікат аб вакцынацыі.

Можна азнаёміцца з патрабаваннямі да медыцынскіх дакументаў па спасылцы. За больш падрабязнай інфармацыяй рэкамендуем звяртацца ў кампетэнтныя ведамствы краіны прылёту.

У сувязі са зняццем абмежаванняў для грамадзян Беларусі авіякампанія прыняла рашэнне з 27 па 28 студзеня адкрыць тарыфы “Прома” з Мінска ў Баку (як у адзін бок, так і туды-назад). Перыяд падарожжа – з 29 студзеня па 26 сакавіка, максімальны тэрмін знаходжання ў Баку па акцыйных білетах – месяц. Звяртаем увагу, што магчыма камбінацыя тарыфнага брэнда “Прома” з іншымі даступнымі брэндамі.

Білеты па спецыяльных цэнах можна набыць на сайце авіякампаніі, у мабільным дадатку, у офісах продажаў і ў агентаў. Звяртаем увагу, што месцы ў тарыфным брэндзе “Прома” могуць быць забраніраваны толькі з адначасовай аплатай і афармленнем білета. Аплата па безнаяўным разліку не ажыццяўляецца ў сувязі з немагчымасцю гарантаваць наяўнасць месцаў.