У маршрутнай сетцы Белавія з'явіцца трэці маскоўскі аэрапорт - Унукава

Авіякампанія "Белавія" з 15 ліпеня аднаўляе рэгулярныя рэйсы ў Міжнародны аэрапорт Унукава. Рэйсы будуць выконвацца тры разы на тыдзень: па серадах, пятніцах і нядзелях. Расклад палётаў:

•   адпраўленне з Мінска запланавана на 13.20, прыбыццё ў Маскву - у 14.35;
•   зваротныя рэйсы з Унукава - у 15.25, з прыбыццём у сталіцу Беларусі ў 16.50.

Білеты можна набыць на сайце авіякампаніі, у дадатку Belavia, у офісах продажаў авіябілетаў і ў агентаў. Палёт з Мінска ў аэрапорт Унукава абыдзецца пасажырам у 50 EUR еўра ў адзін бок або 88 EUR еўра туды-назад (тарыф LIGHT). Падрабязней з раскладам і тарыфамі можна азнаёміцца на сайце belavia.by.

"Мы ўпэўненыя, што рэйсы будуць карыстацца папулярнасцю, бо Унукава - прывабны транзітны вузел для пасажыраў, якія вандруюць па Расіі, - адзначыў генеральны дырэктар "Белавія" Ігар Чаргінец. - Акрамя таго, для многіх пасажыраў прамых рэйсаў Мінск-Масква-Мінск аддаленасць аэрапорта ад маскоўскай КАД, як і час на дарогу ў аэрапорт і назад, мае прынцыповае значэнне. І ў гэтым плане Унукава сапраўды зручны – аэравакзал толькі на 19 кіламетраў выдалены ад кальцавой".

Дабрацца ў Міжнародны аэрапорт Унукава можна на таксі, аўтобусе ці "Аэраэкспрэсе". 

Для "Белавія" Унукава стане трэцім аэрапортам маскоўскага кірунку: на дадзены момант авіякампанія выконвае рэйсы ў аэрапорты Дамадзедава і Шарамеццева.