У Belavia скараціўся час палёту на некаторых рэгулярных і чартарных рэйсах

Belavia атрымала дазвол ад Расавіяцыі лятаць на поўдзень праз Валгаград і Астрахань (раней маршрут пралягаў праз Казахстан).

Што гэта значыць для пасажыраў?

Дзякуючы скарачэнню тэрыторыі аблёту час у дарозе на некаторых рэйсах зменшыўся.

Напрыклад:
🔹Мінск-Стамбул – на 45 хвілін.
🔹Мінск-Сочы – на 25 хвілін.
🔹Мінск-Ерэван – на 30 хвілін.

Зваротныя рэйсы сталі карацейшыя ў сярэднім на 15 хвілін.

Таксама скарачаецца час палёту на чартарных рэйсах па напрамках Мінск-Анталія-Мінск і Мінск-Бодрум-Мінск.

Час палёту памяншаецца арыентыровачна на:

🔹Мінск-Анталія – 30 хвілін. Анталія-Мінск застанецца ранейшы.
🔹Мінск-Бодрум – 25 хвілін.
🔹Бодрум-Мінск – 20 хвілін.

Час указваецца арыентыровачна, бо на працягласць палёту ўплывае мноства фактараў, у прыватнасці - умовы надвор'я.

Зважаем: калі вы ляціце чартарным рэйсам, па ўсіх пытаннях, звязаных з палётам, варта звяртацца да тураператараў.

Актуальны расклад правярайце на сайце авіякампаніі.