“Белавія” адкрывае прамы рэйс у Мурманск

23 мая авіякампанія “Белавія” выканае першы рэгулярны рэйс з Мінска ў Мурманск. Плануецца, што рэйсы будуць ажыццяўляцца па аўторках: вылет з Мінска - у 10.15, прыбыццё ў Мурманск - у 13.00. Зваротныя рэйсы з Міжнароднага аэрапорта Мурманск будуць выконвацца ў 14.00, прылёт у Мінск запланаваны на 16.40.

Кошт палёту ў адзін бок пачынаецца ад 134 еўра, у абодва - 244 еўра (тарыф LIGHT). Білеты можна набыць на сайце авіякампаніі, у мабільным дадатку Belavia, у офісах продажаў авіябілетаў і ў агентаў. Пасажыры будуць падарожнічаць па гэтым напрамку на паветраным судне Embraer 195.

“Мы разлічваем, што гэты маршрут стане запатрабаваным у прадстаўнікоў бізнесу, - адзначыў генеральны дырэктар авіякампаніі “Белавія” Ігар Чаргінец. - Мурманск вядомы як буйны прамысловы цэнтр, тут добра развіты рыбаперапрацоўка, металаапрацоўка і іншыя галіны. У Мурманска вялікі лагістычны патэнцыял, паколькі гэта буйны партовы горад. Новы напрамак арыентаваны і на пасажыраў, якія падарожнічаюць транзітам праз Мінск, і на турыстаў, якія аддаюць перавагу нетрывіяльным маршрутам. Тут можна ўбачыць паўночнае ззянне, пабываць на гарналыжных схілах, жывапісных сопках і сапраўдным атамным ледаколе, адправіцца на марскую прагулку і паназіраць за кітамі. Таксама мы будзем радыя, калі з адкрыццём рэйса госці з Запаляр'я стануць часцей наведваць Беларусь і змогуць па заслугах ацаніць яе турыстычную прывабнасць”.

Працягласць рэйса з Мінска ў запалярны горад складзе менш за 3 гадзіны.
Міжнародны аэрапорт Мурманск размешчаны за 24 кіламетры ад цэнтра горада. Дарога ў аэрапорт займае каля гадзіны: для зручнасці пасажыраў пастаянна курсіруюць аўтобусы і маршрутныя таксі.