Брэст і Маскву злучыў прамы рэйс «Белавія»

3 красавіка авіякампанія «Белавія» адкрыла рэгулярныя рэйсы ў Міжнародны Аэрапорт Шарамеццева з Брэста. Рэйсы па маршруце Брэст-Масква(Шарамеццева)-Брэст выконваюцца два разы на тыдзень: па серадах і суботах.

Вылет з Брэста адбыўся ў 16.35, прыбыццё ў Маскву – у 18.20. Вылет з Масквы – у 13.45, прыбыццё ў Брэст – у 15.40. Рэйс ужыццяўляўся на паветраным судне Эмбраэр-175 з камфартабельным салонам аканом- і бізнес-класа. Час лёту з Брэста ў сталіцу Расіі займае 1 ч 45 хвілін, у зваротным кірунку – 1 гадзіна 55 хвілін.

З нагоды сустрэчы першага рэйса «Белавія» у Шарамеццева адбылося афіцыйная імпрэза з удзелам генеральнага дырэктара ААТ «Авіякампанія «Белавія» І.Н. Чаргінца, кіраўніцтва АТ «МАШ», прадстаўнікоў Амбасады Рэспублікі Беларусь у Расійскай Федэрацыі. Цырымонія ўрачыстага адкрыцця адбылася і ў Брэсце: прэс-канферэнцыя з удзелам прадстаўнікоў Міністэрства транспарта і камунікацый Рэспублікі Беларусь, кіраўніцтвы рэгіёна, традыцыйнае вітанне паветранага судна вадзяной аркай, пераразанне стужкі, віншаванне першага пасажыра.

«Адкрыццё новага рэйса паміж Брэстам і Масквой – значная падзея для нашай авіякампаніі і для пасажыраў, – адзначыў генеральны дырэктар ААТ «Авіякампанія «Белавія» Ігар Чаргінец. – Сімвалічна, што новы маршрут злучыць гарады ў той самы момант, калі Беларусь і Расія праводзяць святочныя імпрэзы да Дня яднання народаў дзвюх нашых краін, які адзначаецца 2 красавіка. Простыя авіязносіны Брэст-Масква будуць спрыяць умацаванню ўжо наладжаных дзелавых кантактаў з партнёрамі з Расіі, а таксама адкрые новыя перспектывы развіцця турызму і культурнага ўзаемапамену паміж гістарычна багатымі рэгіёнамі. З пункту гледжання зыскаў для нашых пасажыраў адкрыццё рэгулярнага рэйса – таксама вельмі патрэбны развязак, які, безумоўна, значна скароціць час і дазволіць людзям больш эфектыўна выбудоўваць свае планы».

Загрузка першага рэйса склала 86%, прададзена больш 1900 квіткоў, што кажа пра запатрабаванасць маршруту. Варта адзначыць, што «Белавія» мае намер развіваць магчымасці рэгіянальных аэрапортаў, у тым ліку і ў Брэсце: павялічваць частотнасць лётаў рэгулярных рэйсаў, працаваць над чартарнай праграмай. Так, ужо ў траўні плануецца аднаўленне чартарных перавозак з Брэста ў Анталію.