Знакавая падзея: «Белавія» прэзентавала новы тып самалёта – шырокафюзеляжны Airbus А330-200

У Нацыянальным аэрапорце Мінск адбылася прэзентацыя новага тыпу паветранага судна «Белавія» - Airbus А330-200. Гэта адметная падзея, чарговы этап развіцця як для авіякампаніі, так і для грамадзянскай авіяцыі суверэннай Беларусі ў цэлым: да цяперашняга моманту ў транспартнай сферы Беларусі не было далёкамагістральных самалётаў, здольных выконваць пасажырскія перавозкі на вялікія дыстанцыі. Сёння мы можам казаць пра тое, што сітуацыя кардынальна змянілася: у флоце авіякампаніі - 3 шырокафюзеляжных Airbus А330-200.

"Цяпер перад пасажырамі адкрываюцца новыя магчымасці, – адзначыў генеральны дырэктар авіякампаніі «Белавія» Ігар Чаргінец. – Працягласць палёту гэтага паветранага судна дасягае 12 000 км. Для параўнання: у Boeing 737-8 аналагічны паказчык роўны 6 570 кіламетрам. Такім чынам, прамыя пералёты з Мінска на папулярныя курорты, у прыватнасці краін Паўднёва-Усходняй Азіі, стануць для беларусаў не марай, а рэальнай перспектывай».

Авіякампанія доўга рыхтавалася да таго, каб прыняць самалёты новага тыпу. Неабходна было наладзіць многія працэсы, забяспечыць перападрыхтоўку лепшых кадраў, каб традыцыйна гарантаваць пасажырам захаванне высокіх стандартаў, поўную бяспеку палётаў і камфорт. Для перанавучання і наступнай працы на Airbus А330-200 былі адабраны самыя вопытныя супрацоўнікі авіяцыйнага атрада, службы бортправаднікоў, авіяцыйна - тэхнічнай базы, комплексу наземнага абслугоўвання.

Спецыялісты прайшлі перанавучанне, тэарэтычную і практычную перападрыхтоўку ў беларускіх і замежных трэнажорных цэнтрах. Авіякампанія выпрацавала новыя алгарытмы рознага кшталту: тэхнічнае абслугоўванне, чэкін, загрузка багажу, абслугоўванне на борце і многія іншыя. Перанавучанне і дадатковая падрыхтоўка – абавязковы працэс пры засваенні новых тыпаў паветраных суднаў у цэлым, і пры працы з лайнерам Airbus А330-200 у прыватнасці: гэты самалёт істотна адрозніваецца ад іншых прадстаўнікоў флоту «Белавія» – самалётаў Boeing і Embraer. А330 - 200 выпускаецца з трыма канфігурацыямі рухавікоў.

Самалёты «Белавія» маюць самыя магутныя з іх – Rolls-Royce Trent 700. Такі тып рухавіка забяспечвае высокую эканамічнасць, нізкі ўзровень шуму, вялікую працягласць палёту, найвышэйшую надзейнасць і доўгі тэрмін эксплуатацыі. Каб ацаніць маштабы новага тыпу самалёта, можна параўнаць яго характарыстыкі з іншымі паветранымі судамі флоту. Напрыклад, размах крылаў аэробуса-60 метраў, у Boeing 737-8 – 39,5 м. Максімальная ўзлётная маса судна – 233 000 кг.

Чарговы цікавы факт: дыяметр вентылятара рухавіка складае 2,47 метра. Для параўнання: шырыня фюзеляжа Embraer 195 – 2,74 метра. Вага толькі аднаго паліва, патрэбнага, каб заправіць Airbus A330-200, больш вагі любога з эксплуатаваных сёння ў авіякампаніі паветраных судоў.

Класічныя самалётныя штурвалы замененыя бакавымі ручкамі, так званымі сайдстiками. Дзякуючы Airbus А330 - 200 авіякампанія зможа задаволіць амбіцыйныя запыты і па грузавых перавозках. У параўнанні з Boeing 737-8 грузаёмістасць Airbus A330-200 вышэй амаль у 6 разоў (3,5 тон і 20 тон адпаведна). Калі паглыбіцца ў факты, то A330 - 200 дае магчымасць перавозіць высокагабарытныя грузы, а таксама адчувальныя да нізкіх тэмператур.

«Белавія» цалкам падрыхтавана да рэалізацыі маштабных планаў у сферы пасажырскіх і грузавых перавозак.