Лета круглы год: прамыя рэйсы на востраў Хайнань

З 8 кастрычніка «Белавія» адкрывае прамыя рэйсы па маршруце Мінск – Санья на паўднёвае ўзбярэжжа вострава Хайнань у Кітаі.

Санья — галоўная курортная жамчужына Хайнань. Мяккі трапічны клімат, крышталёва чыстыя воды Паўднёва-Кітайскага мора, беласнежныя пляжы і багатая флора робяць кірунак сапраўдным раем для аматараў адпачынку і экзотыкі.

«Санья — гэта першы далёкі кірунак у маршрутнай сетцы «Белавія», адкрыццё якога стала магчымым дзякуючы набыццю авіякампаніяй далёкамагістральных самалётаў Аirbus A330-200. Мы ганарымся тым, што можам прапанаваць пасажырам прамы камфортны пералёт на адзін з самых папулярных курортаў не толькі Кітая, але і ўсёй Паўднёва-Усходняй Азіі. Хайнань актыўна развіваецца як цэнтр міжнароднага турызму, і мы ўпэўненыя, што гэты рэйс знойдзе водгук у пасажыраў, а таксама будзе цікавы турыстам з Кітая, якія жадаюць адкрыць для сябе Беларусь.

Адкрыццём прамога рэгулярнага рэйса на востраў Хайнань мы пачынаем новы этап развіцця авіякампаніі «Белавія» і плануем інтэнсіўна пашыраць палётную праграмы на курорты Паўднёва-Усходняй Азіі», — адзначыў генеральны дырэктар ААТ «Авіякампанія» Белавія» Ігар Чаргінец.

Рэйсы будуць выконвацца адзін раз на тыдзень (па серадах) на шырокафюзеляжным паветраным судне Airbus A330-200.

Расклад:

• Вылет з Мінска - у 04.40, прыбыццё ў Санью – у 20.00
• Зваротны рэйс з Саньі – 22.00, прыбыццё ў Мінск - у 04.20 (наступнага дня).

Час для ўсіх аэрапортаў паказана мясцовае.

Квіткі — ад 1325 BYN у адзін бок, а таксама 2162 BYN туды-назад ужо на сайце belavia.by, у офісах продажаў і ў агентаў.

Гатовыя да новых уражанняў?

Для інфармацыі: розніца ў часе складае 5 гадзін.