Пашпарты і візы

Кожны пасажыр, якi ляціць рэйсам ААТ «Авіякампанія «Белавія», павінен мець усе неабходныя для вандравання дакументы, сапраўдныя на момант перавозкі.

• Праязныя дакументы, якія пацвярджаюць яго асобу:

  • нацыянальны пашпарт/біяметрычны пашпарт
  • дыпламатычны пашпарт/біяметрычны дыпламатычны пашпарт
  • службовы пашпарт/біяметрычны службовы пашпарт
  • афіцыйны пашпарт/біяметрычны афіцыйны пашпарт
  • спецыяльны пашпарт/біяметрычны спецыяльны пашпарт
  • пасведчанне грамадзяніна, які не дасягнуў 16-гадовага ўзросту (калі прымяняецца)
  • кніжка марака
  • пасведчанне на вяртанне ў краіну рэгістрацыі (калі прымяняецца)
  • праязны дакумент/біяметрычны праязны дакумент

• Дакументы, якія дазваляюць уезд на тэрыторыю краіны прызначэння або транзіт праз тэрыторыю замежнай дзяржавы пры транзітным/трансферным падарожжы:

  1. уязная віза
  2. транзітная віза
  3. від на жыхарства або дазвол на пражыванне, працу/ вучобу і г.д
  4. Даведка аб прышчэпках (калі такая патрабуецца)
  5. Дадатковыя медыцынскія дакументы ( тэсты на COVID-19, сертыфікат пра вакцынацыю і г. д.)

Інфармацыя для пасажыраў з дзецьмі.

Грамадзяне Рэспублікі Беларусь і Расійскай Федэрацыі, якія падарожнічаюць са сваімі непаўналетнімі дзецьмі, абавязаны прадаставіць арыгінал дакумента, які пацвярджае статус законнага прадстаўніка дзіцяці. Такімі дакументамі з'яўляюцца:

• пашпарт з запісам аб дзіцяці;
• арыгінал пасведчання аб нараджэнні непаўналетняга;
• пасведчанне аб усынаўленні (удачарэнні) або копія рашэння суда аб усынаўленні (удачарэнні) непаўналетняга;
• пасведчанне на права прадстаўлення інтарэсаў падапечнага;
• дагавор аб перадачы непаўналетняга на выхаванне ў прыёмную сям'ю;
• дагавор аб умовах выхавання і забеспячэння непаўналетняга ў дзіцячым доме сямейнага тыпу;
• копія рашэння органа апекі і папячыцельства аб устанаўленні апекі або папячыцельства над непаўналетнім і прызначэнні грамадзяніна апекуном або папячыцелем непаўналетняга.

Увага! Калі дзіця падарожнічае з адным з бацькоў, натарыяльна завераны дазвол ад другога не патрабуецца.

Да ўвагі пасажыраў-грамадзян Рэспублікі Казахстан, якія вандруюць з Казахстана ў Беларусь або пункты Расійскай Федэрацыі праз Мінск!
Перавозка грамадзян Рэспублікі Казахстан па пасведчаннях асобы ЗАБАРОНЕНА.
Перавозка дзяцей-грамадзян Рэспублікі Казахстан па сведчаннях аб нараджэнні ЗАБАРОНЕНА.

Да ўвагі пасажыраў-грамадзян Расійскай Федэрацыі, якія вандруюць з Казахстана ў Беларусь!
Перавозка грамадзян Расійскай Федэрацыі па ўнутраных пашпартах ДАЗВОЛЕНА.

Да ўвагі пасажыраў-грамадзян Расійскай Федэрацыі, якія вандруюць з Расійскай Федэрацыі праз Мінск!
У адпаведнасці з правіламі міграцыйнай службы Францыі, грамадзяне Расійскай Федэрацыі, якія вылятаюць з Рэспублікі Беларусь, транзітам праз аэрапорты Францыі ў трэцюю краіну, павінны мець транзітную візу.
Віза не патрабуецца пасажырам, у пашпартах якіх ёсць дзеючыя візы краін Шэнгена, Балгарыі, Ірландыі, Канады, Кіпра, Румыніі, ЗША, Харватыі, Японіі.

Пасажыр нясе адказнасць за наяўнасць, праўдзівасць і правільнасць афармлення ўязных/выязных дакументаў.

На рэгістрацыі пасажыр павінен падаць усе ўязныя, выязныя, медыцынскія і іншыя дакументы, якія патрабуюцца ў адпаведнасці з законамі, пастановамі, правіламі і загадамі ўрадаў краін, звязаных з перавозкай.

Белавія можа забараніць перавозку пасажыра, чые дакументы не былі прадстаўлены ў поўным аб'ёме або былі няправільна аформлены. Белавія не нясе адказнасці за страты і выдаткі пасажыра, звязаныя з невыкананнем пасажырам пералічаных патрабаванняў.

У адпаведнасці з "Асноўнымі правіламі перавозкі пасажыраў і багажу" ААТ «Авіякампанія «Белавія», пасажыры цалкам нясуць адказнасць за выкананне правілаў і патрабаванняў, устаноўленных паўнамоцнымі ўладамі краін:

• вылету
• транзіту
• трансферу
• прызначэнні

Аб уступленні ў сілу новай рэдакцыі пятай главы візавых правілаў Рэспублікі Беларусь

Пачынаючы з 1 верасня 2012 года ў «Нацыянальным аэрапорце Мінск» спыняецца выдача ўязных віз замежным грамадзянам, у краінах грамадзянскай прыналежнасці якіх маюцца дыпламатычныя прадстаўніцтвы і консульскія ўстановы Рэспублікі Беларусь (паглядзець спіс: http://www.embassies.mfa.gov.by), за выключэннем выпадкаў руху такіх грамадзян у Рэспубліку Беларусь у складзе афіцыйных дэлегацый, па запрашэннях дзяржаўных органаў Рэспублікі Беларусь, а таксама ў сувязі з цяжкім захворваннем або смерцю блізкага сваяка або члена сям'і пры прад'яўленні афіцыйных дакументаў, якія пацвярджаюць наяўнасць такіх абставін.

Практыка выдачы віз грамадзянам іншых дзяржаў захаваецца.

З падрабязнай інфармацыяй аб парадку афармлення віз для ўезду ў Рэспубліку Беларусь можна азнаёміцца ​​на вэб-сайце Міністэрства замежных спраў Рэспублікі Беларусь.

Згодна з уведзеным з чэрвеня 2013 г. правілаў і рэгламенту ЕС (REGULATION (EU) № 610/2013 OF THE EUROPEAN PARLIAMENT AND OF THE COUNCIL of 26 June 2013 года) для ўезду ў краіны Шэнгенскага пагаднення і ЕС тэрмін дзеяння пашпарта павінен быць не старэйшы за 10 гадоў з моманту выдачы, нягледзячы на наяўнасць візы, а таксама іншага ўязнога дакумента (від на жыхарства).

Інфармацыя для кантактаў

• МЗС www.mfa.gov.by
• Іміграцыйныя ўлады краіны праходжання перадпалётнага афармлення (напрыклад: мясцовы пункт памежнага кантролю).